«Իսրայելը պատերազմի ավարտի ժամկետ չի սահմանում»․ ՌԴ-ում Իսրայելի դեսպան

Իսրայելը որևէ ժամկետ չի սահմանում՝ Իրանի դեմ ռազմական գործողության ավարտի հետ կապված։ Այս մասին հայտարարել է ՌԴ-ում Իսրայելի դեսպան Սիմոնա Գալպերինը։

«Իսրայելը որևէ սահմանափակում կամ ժամկետ չի նշում իր համար։ Մենք կաշխատենք այնքան ժամանակ, որքան անհրաժեշտ կլինի»,- ասել է դիվանագետը։

Նրա խոսքով՝ Իսրայելը չի ​​տեսնում Իրանի հետ հակամարտությունը ոչ ռազմական միջոցներով լուծելու որևէ հնարավորություն։

Ավելի վաղ Իրանի Իսլամական հեղափոխության պահապանների կորպուսը (ԻՀՊԿ) պաշտոնական հայտարարության մեջ նշել էր, որ ռազմական գործողությունները կշարունակվեն՝ «մինչև Իսրայելի հանցավոր ռեժիմի լիակատար ոչնչացումը»։