Իրանի խորհրդարանը հավանություն է տվել ՌԴ-ի հետ ռազմավարական գործընկերության համաձայնագրին

Իրանի խորհրդարանի խոսնակ Մոհամմադ Բաղեր Ղալիբաֆը Ռուսաստանի հետ համապարփակ ռազմավարական գործընկերության մասին հաստատված համաձայնագիրն ուղարկել է երկրի նախագահ Մասուդ Փեզեշքիանին։ Այս մասին հաղորդում է ТАСС-ը՝ հղում կատարելով Ռուսաստանում Իրանի դեսպանատան հայտարարությանը։

Հիշեցնենք, որ ըստ փաստաթղթի՝ կողմերը ձգտում են խորացնել և ընդլայնել հարաբերությունները փոխադարձ հետաքրքրություն ներկայացնող բոլոր ոլորտներում, ամրապնդել համագործակցությունն անվտանգության և պաշտպանության ոլորտում, սերտորեն համակարգել գործունեությունը տարածաշրջանային և գլոբալ մակարդակներում, ինչը համապատասխանում է երկարաժամկետ, համապարփակ և ռազմավարական գործընկերությանը։