«Իսրայելը և Իրանը պետք է համաձայնագիր կնքեն և կկնքեն». Թրամփ

Դոնալդ Թրամփն իր Truth Social սոցիալական ցանցում գրել է, որ Իսրայելը և Իրանը «պետք է համաձայնագիր կնքեն, և նրանք կկնքեն»։ Նա խոստացել է, որ երկու մերձավորարևելյան երկրների միջև խաղաղությունը կհաստատվի շուտով և ասել է, որ դրան հասնելու համար ներկայում «բազմաթիվ հեռախոսազանգեր և հանդիպումներ» են ընթանում։

Միևնույն ժամանակ, Թրամփը ABC News-ին ասել է, որ Միացյալ Նահանգները, հնարավոր է, միջամտեն Իսրայելի և Իրանի միջև հակամարտությանը, չնայած այս պահին Միացյալ Նահանգները ներգրավված չէ։ Սպիտակ տան ղեկավարը հավելել է, որ ինքը դեմ չէ Վլադիմիր Պուտինի հնարավոր միջնորդությանն Իրան-Իսրայել հակամարտության կարգավորման գործում և արդեն քննարկել է դա Ռուսաստանի նախագահի հետ։