«Իսրայելի հետախուզությունն Իրանի ներսում գաղտնի ռազմաբազա ուներ»․ #Haaretz

Իրանական միջուկային օբյեկտներին հարվածելուց առաջ իսրայելական հետախուզությունը (Մոսադ) Իրանի ներսում գաղտնի ռազմական բազա էր ստեղծել, որտեղ պահվում էին ԱԹՍ-ներ, գրում են Haaretz-ը և Ynet-ը՝ հղում անելով Իսրայելի անվտանգության ուժերի աղբյուրին։

Ըստ աբյուրի՝ ԱԹՍ-ները գաղտնի կերպով Իրան են բերվել Իսրայելի ռազմական գործողությունից շատ առաջ և օգտագործվել են հունիսի 13-ի գիշերը իրանական օբյեկտներին հարվածի ժամանակ։ ԱԹՍ-ները հարվածել են Թեհրանի մոտ գտնվող բանակային բազայի հրթիռային կայանքների վրա։

Բացի այդ, աղբյուրի տվյալներով, Իրանի կենտրոնում Մոսադը նախկինում «ճշգրիտ զենքի» համակարգեր էր տեղադրել իրանական զենիթային հրթիռային համակարգերի մոտ և գաղտնի կերպով Իրան էր բերել քողարկված մեքենաներ՝ զենիթային զենքերով։ Հաղորդվում է, որ դրանք ոչնչացրել են Իրանի պաշտպանական համակարգերը հարձակման սկզբում։