Տեսանյութ՝ ավտոմեքենայի պայթյունի վայրից

Այսօր՝ հունիսի 13-ին, ժամը 13:50-ի սահմաններում Երևան-Սևան-Իջևան ավտոճանապարհի Սևանի վարչական տարածքում գործող գազալցակայանում ավտոմեքենան լիցքավորելիս պայթել է: Մեկ հոգի հոսպիտալացվել է, «Mitsubishi» մակնիշի ավտոմեքենան վերածվել է մետաղե ջարդոնի:
Ֆոտոլրագրող Գագիկ Շամշյանը հայտնել էր, որ պայթյունի հետևանքով զոհեր չեն եղել, քանի որ երբ ավտոմեքենան մտել է լիցքավորման, լիցքավորողը թե՛ վարորդին, թե՛ ուղևորներին ըստ կարգի հրահանգել է, որպեսզի հեռանան ավտոմեքենայի մոտից։
Ֆոտոլրագրողը հայտնում է, որ մոտ 1 ամիս առաջ նշված գազալցակայանում դարձյալ պայթյուն էր տեղի ունեցել:
«ԱրմԼուր»-ը տեսանյութ է հրապարակել դեպքի վայրից։