«Իսրայելը պատրաստ է Իրանի հետ լայնածավալ պատերազմի»․ Նեթանյահուի գրասենյակ

Իսրայելը պատրաստ է Իրանի հետ լայնածավալ պատերազմի հնարավորությանը։ Այս մասին ՏԱՍՍ-ին հայտարարել է Իսրայելի վարչապետի գրասենյակի խորհրդական Դմիտրի Գենդելմանը։

«Իսրայելը պատրաստ է ցանկացած զարգացման», - ասել է նա՝ պատասխանելով Իրանի հետ լայնածավալ զինված հակամարտության հնարավորության մասին հարցին։ Նրա խոսքով՝ Թել Ավիվը սերտ կապի մեջ է Միացյալ Նահանգների հետ՝ իրավիճակի սրման ֆոնին։

Բացի այդ, Նեթանյահուի գրասենյակը նշել է, որ Իրանի հետ լարվածության սրման դեպքում Իսրայելը հիմնականում ապավինում է սեփական ուժերին։

Իսրայելի պաշտպանության նախարար Իսրայել Կացը, իր հերթին, հայտարարել է՝ «Սա ուժեղ և հստակ ազդանշան է. յուրաքանչյուր ոք, ով կգործի Իսրայելը ոչնչացնելու համար, կոչնչացվի։ Իրանը կվճարի ավելի ու ավելի բարձր գին, եթե շարունակի իր ագրեսիվ գործունեությունը»։