Նոր մանրամասներ՝ Ճամբարակում բնակելի շենքի պայթյունից

Ինչպես հայտնել ենք, այսօր՝ հունիսի 11-ին պայթյուն և փլուզում է տեղի ունեցել Գեղարքունիքի մարզում: Ժամը 08:35-ի սահմաններում ՆԳՆ ահազանգ է ստացվել, որ Ճամբարակ քաղաքի Պարույր Սևակ 4-րդ շենքում պայթյուն և փլուզում է տեղի ունեցել: Ինչպես հայտնում է Գագիկ Շամշյանը, 1 հոգի տեղում մահացել է, կա մոտ 10 վիրավոր և 4 անհետ կորած:
Այս պահին ոստիկաններն ու քննիչները պարզում են մահացածի, վիրավորների և անհետ կորածների ինքնությունը, ինչպես նաև, թե որ բնակարանում է տեղի ունեցել պայթյունը և փլուզումը: