Հրդեհ՝ Իսակովի պողոտայում․ տարհանվել է 30 աշխատակից

ՀՀ ՆԳՆ Փրկարար ծառայությունից հայտնում են․ «Հունիսի 11-ին, ժամը 05։39-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Իսակովի պողոտայում գործող ընկերության շենքի առաջին հարկում։

Պարզվել է, որ հրդեհը բռնկվել է -1 հարկում գտնվող սրահում (30 քմ)։

Փրկարարները տարհանել են 30 աշխատակցի․ տուժածներ չկան։

Հրդեհն ինքնամարվել է։ Այրվել են կախովի առաստաղը (30 քմ), երկու օդորակիչ և մալուխներ»։