Ավանում կրակոցներ են հնչել

Այսօր՝ հունիսի 10-ին, արտակարգ դեպք է տեղի ունեցել Երևանում: Ժամը 11:50-ի սահմաններում ՆԳՆ տեղեկություններ են ստացվել, որ Ավան վարչական շրջանի Խուդյակով փողոցում՝ «Երևան Սիթի»-ի հարևանությամբ գտնվող բացօթյա շուկայի տարածքում կրակոցներ են հնչել, կան վիրավորներ: Ինչպես հայտնում է Գագիկ Շամշյանը, անձն իր մոտ եղած պնևմատիկ ատրճանակից անկանոն կրակոցներ է արձակել, ինչի հետևանքով 1 հոգի տեղափոխվել է հիվանդանոց: Դեպքի վայրում հավաքվածները նշել են, որ տեսել են ևս մեկ քաղաքացու, ով նույնպես վնասվածք է ստացել: Ձեռնարկվում են միջոցառումներ՝ կրակոցներ արձակած անձի ինքնությունը ճշտելու համար: