«ԱՄՆ-ն աջակցում է ՌԴ-ի և Ուկրաինայի միջև ուղիղ բանակցությունների շարունակմանը»․ Ռուբիո

Միացյալ Նահանգները կողմ է ռուս-ուկրաինական ուղիղ բանակցությունների շարունակմանը։ Այս մասին հայտարարել է ԱՄՆ պետքարտուղար Մարկո Ռուբիոն՝ Ֆրանսիայի արտաքին գործերի նախարար Ժան-Նոել Բարոյի հետ զրույցից հետո։
Պետդեպարտամենտը հայտնել է, որ հանդիպման ընթացքում քաղաքական գործիչները քննարկել են Ուկրաինայում հակամարտության դադարեցման ուղղությամբ ձեռնարկվող ջանքերը։

«Պետքարտուղար Ռուբիոն ընդգծել է Ռուսաստանի և Ուկրաինայի միջև ուղիղ բանակցությունների շարունակման կարևորությունը՝ երկարատև խաղաղության հասնելու համար»,- ասվում է հայտարարության մեջ։
Հիշեցնենք՝ Ռուսաստանի և Ուկրաինայի միջև ուղիղ բանակցությունների առաջին փուլը տեղի էր ունեցել մայիսի 16-ին, երկրորդը՝ հունիսի 2-ին։ Հաղորդվել էր, որ ուկրաինական կողմն առաջարկել է հաջորդ հանդիպումն անցկացնել հունիսի 20-ից 30-ը։ ՏԱՍՍ-ի փոխանցմամբ՝ այն նույնպես տեղի կունենա Ստամբուլում։