«Ուկրաինան Պուտինին առիթ է տվել ռմբակոծելու». Թրամփ

ԱՄՆ նախագահ Դոնալդ Թրամփը մի շարք կոշտ հայտարարություններ է արել Ուկրաինայում շարունակվող պատերազմի վերաբերյալ։ Այս մասին հաղորդում է Clash Report-ը։

«Ուկրաինան քայլ է արել, որը Պուտինին առիթ է տվել ռմբակոծելու։ Դա ինձ դուր չի եկել։ Երբ իմացա ռուսական օդանավակայանների վրա հարձակման մասին, ասացի՝ հիմա կլինի պատասխան հարված», - ընդգծել է Թրամփը։

ԱՄՆ նախագահը հույս է հայտնել, որ պատերազմը չի վերաճի միջուկային հակամարտության։

Հիշեցնենք՝ հունիսի 1-ին Ուկրաինայի անվտանգության ուժերն իրականացրել են «Սարդոստայն» լայնածավալ գործողությունը ռուսական ռազմավարական ռմբակոծիչները ոչնչացնելու համար։ Հաջորդ օրը Ուկրաինան հաստատել է, որ Ռուսաստանի խորքում գտնվող չորս ռազմական օդանավակայանների վրա միաժամանակյա հարվածների հետևանքով վնասվել է 41 ինքնաթիռ։