«ՌԴ-ն պատրաստ է հենց հիմա հանձնել ուկրաինացի զինծառայողների մարմինները». ՌԴ ՊՆ

Ռուսաստանը պատրաստ է հենց հիմա հանձնել զոհված ուկրաինացի զինծառայողների մարմինները և շահագրգռված է այս մարդասիրական գործողության իրականացմամբ։ Այս մասին ասել է ռուսական բանակցային խմբի ներկայացուցիչ գեներալ-լեյտենանտ Ալեքսանդր Զորինը։

«Մենք պատրաստ ենք հենց հիմա աշխատել, քանի որ մարմինները գտնվում են փոխանակման վայրի մոտակայքում, և շահագրգռված ենք այս զուտ մարդասիրական գործողության իրականացմամբ, որի շուրջ համաձայնությունը ձեռք է բերվել Ստամբուլում ռուս-ուկրաինական բանակցությունների երկրորդ փուլի արդյունքում», - Զորինի խոսքերն է մեջբերել Ռուսաստանի պաշտպանության նախարարությունը։

«Հայտնի չէ, թե ինչու է Ուկրաինան հետաձգում զինվորների և ռազմագերիների մարմինների փոխանակումը»,- այս մասին հայտարարել է ՌԴ պաշտպանության փոխնախարար գեներալ-գնդապետ Ալեքսանդր Ֆոմինը։

Հիշեցնենք՝ ըստ Ստամբուլում ձեռք բերված համաձայնության՝ Ռուսաստանը զոհված ուկրաինացի զինծառայողների մարմինների առաջին մասը տեղափոխել է փոխանակման վայր։ Սակայն, գեներալ-լեյտենանտ Ալեքսանդր Զորինի խոսքով, Ուկրաինան այսօր կապ չի հաստատել։