ՌԴ-ի և Ուկրաինայի միջև գերիների փոխանակման գործընթացը հետաձգվել է
![]() Ռազմագերիների և զոհվածների մարմինների փոխանակման վերաբերյալ ռուսական հայտարարությունները չեն համապատասխանում իրականությանը: Ռուսական կողմը ձգձգում է գործընթացը և կեղտոտ խաղ է անում։ Այս մասին հաղորդում է RBC-Ukraine-ն՝ հղում անելով Ռազմագերիների հարցով համակարգող շտաբի հայտարարությանը։ «Ռուսական կողմի այսօրվա հայտարարությունները չեն համապատասխանում իրականությանը և նախնական պայմանավորվածություններին՝ ո՛չ գերիների փոխանակման, ո՛չ էլ դիակների հայրենադարձման վերաբերյալ», - նշել է համակարգող շտաբը։ «Գերիների փոխանակման վերաբերյալ Ուկրաինան ներկայացրել է փոխանակման ցուցակներ, որոնք կազմվել են Ստամբուլում բանակցությունների ընթացքում՝ ծանր վիրավորներ, ծանր հիվանդներ՝ «բոլորը բոլորի դիմաց» սկզբունքով, ինչպես նաև երիտասարդ զինծառայողներ: Ուկրաինան տրամադրել է համապատասխան մեկնաբանություններ և ակնկալում է հաջորդ քայլը ռուսական կողմից», - ասված է շտաբի հայտարարության մեջ։ ՌԴ նախագահի օգնական Վլադիմիր Մեդինսկին, իր հերթին, հայտնել է, որ Ուկրաինայի իշխանությունները հետաձգել են նոր փոխանակման մեկնարկը։ Նրա խոսքով՝ ռուսական կողմը փոխանակման գոտի է բերել «ուկրաինական զինված ուժերի զինվորների սառեցված մարմինների մի մասը»՝ 1212 մարմին, և Կիևին է հանձնել 640 գերիներից բաղկացած ցուցակ, որոնց պատրաստ է առաջինը փոխանակել։ Նրա խոսքով՝ Ուկրաինայի հետ սահմանին գործում է նաև Ռուսաստանի պաշտպանության նախարարության կոնտակտային խումբ։ Սակայն, Մեդինսկու խոսքով, ուկրաինական կողմը անսպասելիորեն անորոշ ժամանակով հետաձգել է ինչպես մարմինների ընդունումը, այնպես էլ ռազմագերիների փոխանակումը։ «Ինչ-ինչ պատճառներով նրանց բանակցային խումբը նույնիսկ փոխանակման վայր չի ժամանել։ Նշված պատճառները տարբեր են և բավականին տարօրինակ», - գրել է Մեդինսկին՝ իր Telegram ալիքում։ |

«ԱԺ նիստի կարմիր թելը և կարմիր մթնոլորտը». Վլադիմիր Մարտիրոսյան
4103:06
«Իմ պայմանները՝ վարչապետին». Անի Սամսոնյան
8302:06
«Բռնաճնշումների նոր փուլ է սպասվում». Տիգրան Աբրահամյան
10701:06
«Մավրը արեց իր գործը, Մավրը փորձում է հեռանալ». Հրայր Կամենդատյան
8700:42
«Ռուսական լրատվամիջոցները և Պուտինի «դիվանագիտական հաղթանակը»». Դավիթ Այվազյան
117Երեկ, 22:18
«Можно, но деньги-вперед!»: Լևոն Զուրաբյանի պատասխանը՝ Նիկոլ Փաշինյանի առաջարկին
126Երեկ, 21:36
