Թրամփը տեղեկացված չի եղել Ուկրաինայի «Սարդոստայն» ռազմական գործողության մասին. Սպիտակ տուն

Սպիտակ տան մամուլի քարտուղար Քերոլայն Լիվիթը հայտարարել է, որ ԱՄՆ-ի նախագահ Դոնալդ Թրամփը նախապես տեղեկացված չի եղել ռուսական օդանավակայանների վրա ուկրաինական անօդաչու թռչող սարքերի կողմից նախատեսվող հարձակումների մասին։

«Ոչ, նա [տեղեկացված] չի եղել»,- ասել է նա՝ հավելելով, որ Թրամփը ցանկանում է, որ Ուկրաինայում պատերազմը ավարտվի և կողմ է խաղաղ կարգավորմանը։

«Նա ցանկանում է, որ մարտերը դադարեցվեն, մարդիկ դադարեն մահանալ, և այս [հակամարտությունը] լուծվի բանակցությունների սեղանի շուրջ»,- ասել է Լիվիտը։

Կիրակի՝ հունիսի 1-ին, հաղորդվել էր, որ ուկրաինական անօդաչու թռչող սարքերը հարձակվել են Ռուսաստանի հինգ շրջանների՝ Մուրմանսկի, Իրկուտսկի, Իվանովոյի, Ռյազանի և Ամուրի ռազմական օդանավակայանների վրա։ Ուկրաինայի գլխավոր շտաբի տվյալներով՝ կիրակի օրը «Սարդոստայն» գործողության ժամանակ Ուկրաինայի զինուժը ոչնչացրել է 41 ռազմական ինքնաթիռ։