Լինքոլնի արյունոտ ձեռնոցները աճուրդում վաճառվել են 1.5 միլիոն դոլարով

ԱՄՆ16-րդ նախագահ Աբրահամ Լինքոլնի արյունոտ ձեռնոցները Չիկագոյում տեղի ունեցած աճուրդում վաճառվել են 1.5 միլիոն դոլարով, իսկ թաշկինակը՝ 826,000 դոլարով։ Այս իրերը ԱՄՆ նախագահի գրպանում էին նրա սպանության գիշերը՝ 1865 թվականի ապրիլի 14-ին, հաղորդում է New York Post-ը։

Աճուրդում վաճառվել է նաև «Որոնվում է» գրությամբ պաստառ՝ Լինքոլնի սպանության դավադրության մեջ կասկածվող երեք անձանց լուսանկարներով, որը վաճառվել է 762,000 դոլարով։ Ավելի քան 500,000 դոլար է վճարվել Լինքոլնի ձեռագրի հայտնի օրինակի համար, որը վերցված է 1824 թվականի տետրից. հավելում է Independent-ը։