«Կիևին փոխանցվել է «1000-ը՝ 1000-ի» դիմաց սկզբունքով փոխանակվող ռազմագերիների ցուցակը»․ Պեսկով

Մոսկվան Կիևին փոխանցել է ռազմագերիների ցուցակը, որոնք պետք է փոխանակվեն ուկրաինացի ռազմագերիների հետ «1000-ը՝ 1000-ի» դիմաց սկզբունքով։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Մենք իսկապես փոխանցեցինք մեր ցուցակը։ Կիևից դեռևս չենք ստացել նման ցուցակ։ Սպասում ենք», - «Ինտերֆաքս»-ին հայտնել է Կրեմլի խոսնակ Դմիտրի Պեսկովը։
Միաժամանակ, ՌԲԿ-Ուկրաինայի փոխանցմամբ, նախագահ Զելենսկին հայտնել է որ ռազմագերիների տվյալները ճշտվում են։
«Մենք ճշտում ենք ռուսական կողմի տրամադրած ցուցակներում յուրաքանչյուր անձի տվյալները»։
Փոխանակման պայմանները դեռևս չեն հրապարակվել։ Պեսկովն ավելի վաղ հայտարարել էր, որ փոխանակման հարցը «բավականին աշխատատար է», քանի որ «խոսքը հազարի դիմաց հազարի մասին է»։

Հիշեցնենք՝ Ստամբուլոււմ մայիսի 16-ին կայացած ՌԴ-Ուկրաիա բանակցություններում համաձայնություն է ձեռք բերվել «1000-ը՝ 1000-ի» դիմաց սկզբունքով ռազմագերիների փոխանակման շուրջ։