Սարիկ Մինասյանի գաղտնի շտաբում «երեխաները պարեն գը, երգեն գը, ներսն էլ ծնողներ են». պահակ

Ինչպես արդեն հայտնել ենք, «ՀայաՔվե»-ի անդամ Ավետիք Չալաբյանին թույլ չտվեցին ներս մտնել ՔՊ-ի գաղտնի շտաբ: Մուտքը հսկող կինը, ով ներկայացավ՝ որպես Կարինե Սարիբեկյան, պնդեց, թե դա իր սեփական տարածքն է, որը նախատեսված է երեխաների ժամանցի համար. «Ըստեղ երեխաները պարեն գը, երգեն գը, ուրախանան գը, դե՞մ եք երեխաների ուրախությանը»:
Երբ տարածքի ներսը նկարահանած լրագրողն ապացուցեց, որ ներսում հասուն մարդիկ են, կինը զայրացած պատասխանեց՝ երեխեքի ծնողներն են: