«Պատասխան պահանջելու նպատակ ունենք»․ Ռոման Երիցյան

Թե ինչու են ոչ աշխատանքային օրով հավաքվել ՔԿ-ի դիմաց, արցախցի փաստաբան Ռոման Երիցյանն ասաց․ «Ցանկանում ենք ցույց տալ, որ ՔԿ-ի բնականոն աշխատանքը խոչընդոտելու նպատակ չենք հետապնդում։ Հավաքների հիմնական նպատակն այն է, որ ոստիկանության կողմից բռնության ենթարկված Տիգրան Ուլուբաբյանին ցույց տանք, որ ինքը մենակ չէ։ Ինչ վերաբերում է՝ ի՞նչ ունենք ասելու, ունենք՝ արցախցու նկատմամբ դրսևորված ցանկացած վերաբերմունքին պատասխան պահանջելու նպատակ»։

Հիշեցնենք՝ ՔԿ-ի մոտ ընթանում է փաստաբան Ռոման Երիցյանի նախաձեռնած բողոքի ակցիան։ «Երթով շարժվելու ենք ՆԳՆ՝ մեր դժգոհությունն արտահայտելու արցախցիների նկատմամբ դրսևորված վերաբերմունքից»,- նախօրեին հայտնել էր Երիցյանը։ «Երկու կառույցները մեծ արշավ են սկսել իմ դեմ՝ ոստիկանական խոշտանգումների մասին բարձրաձայնելուց հետո»,- հավելել էր նա։