«Վաղը ՔԿ-ից մինչև ՆԳՆ երթով արտահայտելու ենք մեր դժգոհությունը». Ռոման Երիցյան

Փաստաբան Ռոման Երիցյանը, ֆեյսբուքյան եթերով անդրադառնալով իր դեմ սկսված արշավին, հայտնել է. «Ես հրավիրելու եմ ասուլիս՝ բոլորիդ կատարած ամենաստոր քայլերը կետ առ կետ բացահայտելու: Բացահայտելու եմ, թե ինչ է տեղի ունեցել երեկ Քննչական կոմիտեում առերես հարցաքննման ժամանակ, բացահայտելու եմ, թե սկսած Քննչական կոմիտեի վարույթն իրականացնող մարմնից մինչև խոշտանգումների վարչության պետով, ինչպիսի վերաբերմունք են դրսևորել Տիգրան Ուլուբաբյանի նկատմամբ և ինչպիսին՝ ոստիկանների նկատմամբ: Ինչպես էին խոշտանգման վարչության պետի գրասենյակում ոստիկանները ծխում և սուրճ վայելում»:

«Վաղը ժամը 14:00-ին բոլորս հավաքվում ենք Քննչականի դիմաց՝ երթով շարժվելու ՆԳՆ և մեր դժգոհությունն արտահայտելու արցախցիների նկատմամբ դրսևորած վերաբերմունքից»,- նշել է փաստաբանը: