«Արցախցիների նկատմամբ խտրական վերաբերմունքը ՀՀ-ում նոր թափ է ստանում». Նիկողոս Հովհաննիսյան

«Հայաստան» դաշինքի անդամ Նիկողոս Հովհաննիսյանը ֆեյսբուքյան իր էջում գրել է․ «Արցախցիների նկատմամբ խտրական՝ մեղմ ասած վատ վերաբերմունքը ՀՀ-ում նոր թափ է ստանում։
Փաստաբան Ռոման Երիցյանը հերթական՝ դաժան փաստն է հրապարակել.
Վանաձորում խուլիգանական հարձակում է տեղի ունենում արցախցի երիտասարդի տան վրա, որից հետո ոստիկանությունը՝ փոխանակ հանցագործի հետևից գնալուն, արցախցի երիտասարդին տանում են բաժին, ստիպում, որ հանցանք իր վրա վերցնի, ապա՝ ստանալով բացասական պատասխան, իրենց բառերով ասած, սկսում են «մշակել»։ 6 հոգով ծեծում են, թքում վրան, պոկում մազերն ու նվաստացնում։ Ավելի պատկերավոր ասեմ՝ սա ՉԻ՛ կատարվում «տազերստանում», սա «Մայր» Հայաստանն է։ Այս վերաբերմունքը նոր թափ է ստանում, սրա դեմն առնել է պետք, եթե ոչ՝ ապա Աստված ոչ անի, հետևանքնեն անկառավարելի կդառնան….. Նաև դիմում եմ ձեզ՝ Արցախի ղեկավարություն, դուք էլ հետևողական եղեք, մարդիկ ձեզնից էլ ակնկալիքներ ունեն»: