Ալմաթիում տղամարդը պատանդ է վերցրել օդանավակայանի աշխատակցուհուն

Ալմաթիի օդանավակայանում դանակով տղամարդը պատանդ է վերցրել աշխատակցուհուն։

Միջադեպը տեղի է ունեցել նախաթռիչքային զննման տարածքում։ Հարձակվողը, ներկայանալով որպես ուղևոր, հրաժարվել է փաստաթղթեր ցույց տալ, բռնել է աշխատակցուհու մազերից և սկսել դանակով սպառնալ նրան։

Ինչ-որ պահի օդանավակայանում գտնվողներից մեկն առաջարկել է փոխարինել պատանդին։ Աղջկան բաց են թողել, իսկ տղամարդը զբաղեցրել է նրա տեղը։

Որոշ ժամանակ անց պատանդի տեղում հայտնված տղամարդը խլել է դանակը ոչ ադեկվատ տղամարդուց, որից հետո ուժայիններն արագ բերման են ենթարկել հանցագործին։