«Ոնց էլ լինի, Վազգեն Սարգսյանի ծննդյան օրը Վարդան Ղուկասյանը կապի դուրս կգա». Մարինա Դանիելյան

Ինչպես հայտնի է, ԴՕԿ կուսակցության անդամները հավաքվել են ԱՄՆ դեսպանատան դիմաց և ստորագրահավաք են իրականացնում։ Կուսակցության անդամներից Մարինա Դանիելյանն «Օրագիր.նյուզ»-ի հետ զրույցում ասել է, որ նրա մահվան կամ ծեծի վերաբերյալ վարկածները սուտ են. «Երեկվանից վարկածներ կան ու դրանք համարյա ճիշտ են, որ Վարդան Ղուկասյանին ձերբակալել են, բայց ո՛չ կալանքի տեսքով... Ստորագրահավաք ենք իրականացնում նրա համար: Ես իրեն շատ եմ սիրում»,- ասել է Դանիելյանը՝ հավելելով. «Մինչև կապի դուրս չգա, ոչինչ հստակ չենք կարող ասել: Ոնց էլ լինի, Վազգեն Սարգսյանի ծննդյան օրը՝ մարտի 5-ին, մեզ հետ կապի դուրս կգա: Ինքը Սարգսյանին շատ է սիրում ու ամեն ինչ կանի՝ շնորհավորի»: