«Հայ հոգևորակա՞ն, թե՞ թուրքի մոլա». Էդգար Ղազարյան

Հասարակական-քաղաքական գործիչ Էդգար Ղազարյանը ֆեյսբուքյան իր էջում լուսանկարներ է հրապարակել՝ կից գրելով. «Հայ հոգևորակա՞ն, թե՞ թուրքի մոլա
Եթե նկարում պատկերված անձինք ոչ թե թուրքի մոլա են, այլ Հայ Առաքելական Սուրբ եկեղեցու հոգևոր սպասավորներ, ապա պետք է որ տեղյակ լինեն, որ ձեռքը, որը սեղմում են թշնամու պղծությանն է հանձնել հարյուրավոր հնադարյան եկեղեցիներ ու վանքեր, ուրանում է Հայ եկեղեցու կողմից Սրբադասված Սուրբ նահատակներին, ոչ մի անգամ չի հանդիպում և պետական արարողակարգային ոչ մի միջոցառման չի հրավիրում իրենց հոգևոր առաջնորդին՝ Ամենայն Հայոց կաթողիկոսին, նրա առջև փակում է Սարդարապատ բարձրանալու ճանապարհը, չի մասնակցում Հայրապետական Սուրբ Պատարագներին, Սուրբ ծննդյան օրը համերգ է կազմակերպում խոնարհված եկեղեցում...
Եթե այդ ամենը չգիտեն, ուրեմն տգետ են։ Եթե գիտեն ու գիտակցված են ներկայացել նրա հետ հանդիպման, ուրեմն թուրքի մոլա են՝ հեռացված Աստծուց, քրիստոնեական հավատքից և մեր ժողովրդից։
Ամոթ, նորից ամոթ ու հազար ամոթ»: