«2021 թվականի փետրվարից Հայաստանն ունի թուրքի պահած իշխանություն»․ Մանուկ Սուքիասյան

Կառավարության շենքի դիմաց բողոքի ակցիա իրականացնող տնտեսվարողներին են միացել Երևանի ավագանու «Մայր Հայաստան» խմբակցության անդամները։ Մանուկ Սուքիասյանը վարչապետի և կառավարության հասցեին հնչեցված բողոքները լսելուց հետո, մի դրվագ հիշեցրեց․ «2021 թվականի փետրվարին, երբ ԳՇ-ն պահանջեց այս մարդու հրաժարականը, ամբողջ աշխարհից քար լռություն էր, միայն մի կետից՝ Թուրքիայից, եկավ աջակցություն, որտեղից ասացին՝ եթե Փաշինյանի կառավարությունը մեկուսացվի, իրենք զորքով կներխուժեն Հայաստան։ Փաստացի 2021 թվականի փետրվարից Հայաստանն ունի թուրքի պահած իշխանություն։ Մեր երկիրը ծնկի է եկել թուրքի ու ադրբեջանցու առաջ, գլուխը կախ նրանց բոլոր պահանջները կատարում է»,- ասաց Սուքիասյանը՝ նշելով, որ միակ ելքը կա՛մ զանգվածային պայքարի, կա՛մ ընտրության միջոցով Փաշինյանին հեռացնելն է։