«Ո՞վ է ձեզ դավաճանել, որ էսօր ավելի վատ եք խոսում արևմտահայերեն, քան՝ 30 տարի առաջ»․ Նիկոլ Փաշինյան

«Մեր կառավարությանն այսօր մեղադրում են ապազգային լինելու մեջ, էս անելու մեջ, էն անելու մեջ, հիմա Սփյուռքում բոլոր կառույցներն ազգային են, չէ՞, բա ինչի՞ իմ ասած պրոբլեմները կան, դե թող հայ երիտասարդներն էսօր ապրեին հայկական օրակարգով, խոսեին հայերեն։ Հազար ներողություն, բայց ներկաների մեծ մասը նույնիսկ արևմտահայերեն դժվար է խոսում, ճի՞շտ է։ Որովհետև 50 տարի առաջ ձեր շփման միջավայրն ավելի շատ հայկական էր, քան այսօր․ բա ստեղ էդ դավաճան կառավարությունը չկա, ինչի՞ ա տենց»,- Շվեյցարիայի հայության մի խումբ ներկայացուցիչների հետ հանդիպման ժամանակ ասել է ՀՀ վարչապետ Նիկոլ Փաշինյանը։ «Ո՞վ է դավաճանը, ո՞վ է ձեզ դավաճանել, որ դուք էսօր ավելի վատ եք խոսում արևմտահայերեն, քան՝ 30 տարի առաջ»,- նշել է Փաշինյանը՝ հավելելով, որ պետք է խոսել այս թեմաների մասին, վերադառնալ ճշմարտությանը։