Բելառուսի ԿԸՀ-ն մտադիր է ընտրությունների արդյունքներն ամփոփել փետրվարի 3-ին 

Բելառուսի Կենտրոնական ընտրական հանձնաժողովը նախատեսում է փետրվարի 3-ին ամփոփել նախագահական ընտրությունների վերջնական արդյունքները։ Այս մասին «ՕՆՏ» հեռուստաալիքի եթերում հայտարարել է Կենտրոնական ընտրական հանձնաժողովի նախագահ Իգոր Կարպենկոն։
«Օրենսդրությունը մեզ 10 օր ժամանակ է տալիս արդյունքները վերջնական տեսքի բերելու համար: Մեզ այս ժամանակ է պետք տարածքային հանձնաժողովներից բոլոր առաջնային փաստաթղթերը ստանալու համար: Պետք է ամեն ինչ ստուգենք և ժողով անցկացնենք արդյունքները վերջնական տեսքի բերելու համար: Նախապես կարող եմ հայտարարել, որ ակնկալում ենք անցկացնել փետրվարի 3-ին կայանալիք եզրափակիչ հանդիպումը»,- նշել է Բելառուսի ԿԸՀ ղեկավարը։

Էքզիթ փոլի տվյալների համաձայն՝ Բելառուսի ներկայիս նախագահ Ալեքսանդր Լուկաշենկոն նախագահական ընտրություններում ստացել է ձայների 87,6%-ը: