«Ինչո՞ւ եք կոլապսի ենթարկում հանրային տրանսպորտը». Զարուհի Փոստանջյանը՝ իշխանությանը

«Ինչո՞ւ եք խառնում, կոլապսի ենթարկում ամբողջ հանրային տրանսպորտը, որը դեռ չի էլ կայացել»,- լրագրողների հետ զրույցում, խոսքը ուղղելով իշխանությանը, ասաց «Երկիր Ծիրանի» կուսակցության նախագահ Զարուհի Փոստանջյանը՝ անդրադառնալով քաղաքային տրանսպորտի թանկացմանը: Շարունակելով խոսքը՝ Փոստանջյանը փաստեց. «Գողությամբ բերեցիք «Zhong tong» ավտոբուսները, որոնք մասսայական վաճառքի հանված չեն, դրանք էքսպերիմենտալ են: Բերեցիք մի քանի հատ լյուքս դասի «MAN» ավտոբուսներ՝ խաբելու ժողովրդին: Դրա դիմաց կարելի էր իրականացնել մի հաջողված ծրագիր՝ գնելով գերմանական ավտոբուսներ, ամբողջ ավտոբուսային պարկը փոխել և մեր քաղաքացիներին մատուցել որակյալ ծառայություն»: Փոստանջյանի խոսքով՝ քաղաքացիների վճարած հսկայական գումարների դիմաց որևիցե որակյալ ծառայություն չի տրվում: