«Աննա Հակոբյանի կրթական ծրագրին էիք մասնակցում. կրթվեցի՞ք». Քրիստինե Վարդանյան

«Իշխող ուժն անգամ իր համար է նոր նշաձող սահմանել. ԲԴԽ-ի թեկնածու է բերել մեկին, ով այնպիսի հայտարարություններ է արել, որ չենք էլ կարող կարդալ՝ ցույց տալու համար իր արժեհամակարգը, որովհետև ոչ ցենզուրային լեքսիկոն չենք օգտագործում»,- ԲԴԽ անդամի թեկնածու ընտրելու հարցի քննարկման ժամանակ ԱԺ ամբիոնից ասաց «Հայաստան» խմբակցության պատգամավոր Քրիստինե Վարդանյանը: Պատգամավորը, դիմելով ԲԴԽ անդամի թեկնածու Ալեքսանդր Սիրունյանին, հարց ուղղեց. «Աննա Հակոբյանի կրթական ծրագրին որ մասնակցում էիք, կրթվեցի՞ք: Բարձրագույն պաշտոնների համար բացառապես այդ հանդիպումներին մասնակցողներին եք առաջադրելո՞ւ: Դուք ներկայացնում եք այն արժեհամակարգը, որով առաջնորդվում է ՔՊ-ն»: Վարդանյանը համոզմունք հայտնեց որ բոլոր նրանք, ովքեր կողմ են քվեարկելու Ալեքսանդր Սիրունյանին, կիսում են նրա արած արտահայտությունների պատասխանատվությունը: