Թրամփը հանձնարարել է երդմնակալությունից հետո զրույց կազմակերպել Պուտինի հետ. #CNN

ԱՄՆ նորընտիր նախագահ Դոնալդ Թրամփն իր օգնականներին հանձնարարել է հեռախոսազրույց կազմակերպել ՌԴ նախագահ Վլադիմիր Պուտինի հետ՝ հունվարի 20-ին իր երդմնակալության արարողությունից հետո։ Այս մասին հայտնում է CNN-ը՝ հղում կատարելով իր աղբյուրներին։

Հեռուստաալիքի տվյալներով՝ «Թրամփն իր օգնականներին հանձնարարել է հեռախոսազրույց կազմակերպել ՌԴ նախագահի հետ՝ պաշտոնը ստանձնելուց մի քանի օր հետո»։

Զրույցի թեմաներից մեկը, CNN-ի փոխանցմամբ, կլինի ուկրաինական հակամարտության կարգավորման շուրջ առաջիկա ամիսներին երկու առաջնորդների հնարավոր հանդիպման քննարկումը։