Բայդենը հրաժեշտի խոսքում հայտարարել է ԱՄՆ-ում օլիգարխիայի ձևավորման մասին

Միացյալ Նահանգներում իշխանությունը կենտրոնանում է «շատ փոքր թվով գերհարուստների ձեռքում», ինչը վտանգավոր միտում է, իր հրաժեշտի ուղերձում ասել է նախագահ Ջո Բայդենը։

«Այսօր Ամերիկայում կա ծայրահեղ հարստության, իշխանության և ազդեցության օլիգարխիա, որը բառացիորեն սպառնում է մեր ողջ ժողովրդավարությանը, մեր հիմնարար իրավունքներին և ազատություններին, բոլորի համար հաջողության հասնելու արդար հնարավորություններին», - ասել է Բայդենը:

Նախագահը նշել է, որ մտահոգություն է առաջացնում «տեխնոարդյունաբերական համալիրի պոտենցիալ աճը, որը կարող է իրական վտանգ ներկայացնել մեր երկրի համար»։