«Մեր նպատակը նոր ազգային ուժերի ձևավորումն արագացնելն է»․ «ՀայաՔվե»

«ՀայաՔվե»-ի ֆեյսբուքյան գրառումը. ««ՀայաՔվեի» նպատակն այս խառնակ ժամանակներում նոր ազգային ուժերի ձևավորումն արագացնելն է։
«ՀայաՔվեն»՝ որպես նոր ազգային ուժերի ավանգարդում գտնվող կառույց, այսօր սրընթաց փոխակերպում է ապրում։ Մենք նախաձեռնությունից դարձել ենք ազգային քաղաքացիական միավորում՝ ընդլայնելով և՛ մեր ոլորտային ծածկույթը, և՛ գործիքակազմը, և՛ տարածքային կառույցների ցանցը։
Մեր նպատակն է երկիրն ազատել այս խայտառակ վարչախմբից՝ միևնույն ժամանակ մեր հասարակությանն առաջարկելով այնպիսի քաղաքական այլընտրանք, որը կվայելի նրա վստահությունը և ընդունակ կլինի մեր երկիրը հանելու այս ճգնաժամից։
Այդ ճանապարհին մենք պատրաստ ենք համագործակցելու բոլոր համախոհ ուժերի հետ, ավելին՝ ամեն ինչ կանենք, որ նրանք միասնական ճակատով հանդես գան Փաշինյանի վարչախմբի դեմ՝ մի կողմ դնելով անձնական հավակնությունները»։