«Իշխանությունների քարոզած խաղաղությունը պարտություն է առանց պատերազմի». Լևոն Ջավախյան

Արձակագիր Լևոն Ջավախյանը ֆեյսբուքյան իր էջում գրել է. «ԽԱՂԱՂՈՒԹՅԱՆ ՍԱՐՍԱՓԸ
Ուինսթոն Չերչիլի մասին ֆիլմն է, որտեղ ներկայացվում է Ագլիայի անելանելի վիճակը Ֆաշիստական Գերմանիայի կողմից պատրաստվող ագրեսիայի առջև։ Ընդդիմությունը պնդում էր, որ, թեկուզ և ստորացուցիչ զիջումների գնով, պայմանագիր կնքել Հիտլերի հետ, մինչդեռ Չերչիլն անզիջում էր, քանզի նա կանխատեսում էր, թե դա ինչ վտանգներով է հղի։ Վիճակն անելանելի էր, սակայն անկասելի էր Չերչիլի կամքը։ Անհատը պատմություն էր կերտում և նա հույս ու հավատ էր ներշնչում իր ժողովրդին։ Այդ հավաքական կամքը կոփում էր ապագա հաղթանակը ֆաշիզմի նկատմամբ։
Մենք գրեթե նույնանման վիճակում ենք։ Իշխանությունների քարոզած խաղաղությունը թվում է ստորացուցիչ, քան պատերազմը։ Դա պարտություն է առանց պատերազմի։ Ուժեղ անհատականությունը երկրի հաղթանակի ամենահուսալի գրավականն է։ Վախը միայն նահանջ է, պարտություն և պետականության կորուստ։ Պատերազմ կա, որ առավել ընդունելի է, քան խաղաղությունը։ Մեկ օր հետո ամանորյա սեղաներին բաժակ կբարձրացվի հանուն խաղաղության։ Ես սարսափում եմ Ալիևի պարտադրող խաղաղությունից։ Արդեն իսկ զզվում եմ մշտապես քարոզվող խաղաղության խաչմերուկի գաղափարից։ Աշխարհում նման խաչմերուկ չկա։ Խաղաղություն կամ լինում է, կամ էլ չի լինում։ Օրինակ վերցնենք Մեծ Բրիտանիայից։ Այո, Հայաստանը Անգլիան չէ, բայց և Ադրբեջանը Գերմանիան չէ։
Արդյոք այս ֆիլմը նայո՞ւմ է մեր երկրի վարչապետը»: