Կատաղի մարտեր` Աֆղանստան-Պակիստան սահմանին

Ariana News հեռուստաալիքը հայտնել է Աֆղանստանի և Պակիստանի սահմանին կատաղի մարտերի մասին։

«Մի քանի թիրախներ, այդ թվում՝ հանցավոր տարրերի և նրանց աջակիցների կենտրոններն ու թաքստոցները, որտեղից հարձակումներ են կազմակերպվել Աֆղանստանի վրա, պատասխան հարձակման են ենթարկվել»,- ասվում է Աֆղանստանի պաշտպանության նախարարության հայտարարության մեջ։

Աղբյուրների համաձայն՝ բախումների ժամանակ կիրառվել են թեթև և ծանր զինատեսակներ։

TOLO News-ն ավելի վաղ հայտնել էր, որ աֆղանական-պակիստանյան սահմանին թալիբների կողմնակիցների և պակիստանցի զինվորականների միջև բախումների հետևանքով զոհվել է 24 մարդ, ևս երեքը վիրավորվել են։ Հեռուստաալիքի տվյալներով՝ փոխհրաձգությունը աֆղան և պակիստանցի սահմանապահների միջև տեղի է ունեցել դեկտեմբերի 28-ի առավոտյան Դանդ-է-Պաթան շրջանում՝ Պակտիկա (Աֆղանստան) և Խայբեր Փախտունխվա (Պակիստան) նահանգների սահմանին։ Բախումների ժամանակ օգտագործվել է հրետանի։ Հաղորդվում է, որ զոհվել է 19 պակիստանցի, 5 աֆղանցի զինվոր, ևս 3-ը վիրավորվել են: