Ադրբեջանը հրաժարվել է ավիավթարից տուժած ընտանիքներին՝ Կադիրովի առաջարկած օգնությունից

Ադրբեջանը հրաժարվել է Չեչնիայի նախագահ Ռամզան Կադիրովի առաջարկած ֆինանսական և այլ օգնությունից՝ ավիավթարի հետևանքով զոհվածների և վիրավորների բոլոր ընտանիքներին, հայտնում են ադրբեջանական լրատվամիջոցները։

Ադրբեջանի նախագահի աշխատակազմը բավականին կտրուկ հայտարարեց, որ երկիրը ոչ մի օգնության կարիք չունի։
«Ո՛չ պետությունը, ո՛չ քաղաքացիները չեն ընդունի նման օգնություն, մեր քաղաքացիներին մենք տրամադրում ենք և կտրամադրենք անհրաժեշտ օգնություն։ Ադրբեջանը պահանջում է փաստի ճանաչում, ներողության հայցում և համապատասխան փոխհատուցումների վճարում»,- ասել է աղբյուրը։