ԱՄՆ-ն Թուրքիային արտոնել է` շրջանցել «Գազպրոմբանկ»-ի դեմ կիրառվող պատժամիջոցները

Թուրքիան կարող է շարունակել բնական գազի պարտքի վճարումներ կատարել «Գազպրոմ» բանկի միջոցով, հայտնել է Թուրքիայի էներգետիկայի և բնական պաշարների նախարար Ալփարսլան Բայրաքթարը: Այս հայտարարությունը նա տարածել է ամերիկացի գործընկերների հետ հանդիպումից հետո։

Նշենք, որ ռուսական «Գազպրոմ» բանկը ներառված է ԱՄՆ-ի պատժամիջոցների ցանկում:

Ըստ Բայրաքթարի՝ ԱՄՆ-ի այդ որոշումն ուղղակիորեն կազդի Ռուսաստանի հետ Թուրքիայի բնական գազի առևտրի վրա։ Նա նաև հիշեցրել է, որ նման արտոնություն Թուրքիային տրվել է Իրանի դեմ պատժամիջոցները հաշվի առնելով, և եթե նման արտոնություն չտրվի, դա կարող է նշանակել, որ պատժամիջոցների թիրախ է նաև Թուրքիան։

Ավելի վաղ հայտնել էինք, որ Թուրքիան ԱՄՆ-ին խնդրել է՝ իրեն արտոնել՝ շրջանցել «Գազպրոմբանկ»-ի դեմ կիրառվող պատժամիջոցները: