Մոսկվան Լիբանանից տարհանել է իր քաղաքացիներին

ՌԴ արտակարգ իրավիճակների նախարարության հատուկ ինքնաթիռը, որը ռուսաստանցիներին տարհանել է Լիբանանից, վայրէջք է կատարել «Դոմոդեդովո» օդանավակայանում, հայտնում է գերատեսչության մամուլի ծառայությունը։

«Օդանավում 100 ռուսաստանցի կա, այդ թվում՝ 56 երեխա, ովքեր ցանկանում էին լքել հակամարտության գոտին»,- ասվում է հաղորդագրության մեջ։

Ինքնաթիռն օդ է բարձրացել Բեյրութից, տարհանման պատճառն Իսրայելի և արմատական ​​«Հեզբոլլահ» շարժման միջև հակամարտությունը:

Սա երկրորդ թռիչքն է, որով ռուսներ են տեղափոխվել Լիբանանից։

Արտակարգ իրավիճակների նախարարությունը նաև մարդասիրական օգնություն է հասցնում Լիբանան:

Ընդհանուր առմամբ, Լիբանանում կա ավելի քան 3 հազար ՌԴ քաղաքացի։ Դեսպանատան տվյալներով՝ մարտերի ընթացքում նրանց թվում զոհեր և վիրավորներ չկան։ Դիվանագետները ռուսներին կոչ են արել զգոն լինել անվտանգության հարցերում: