«Տիրոջ ու ավանակի պատմությունը չլինի, էլի, պետական ապարատում գումար խնայեք, վնասներ բերի». Սերգեյ Բագրատյան

«Հաշվի առնելով մեր ֆիսկալ շրջանակի սահմանափակումները՝ ընդհանուր մոտեցում ենք ցուցաբերել պետական ապարատն օպտիմիզացնելու և ծախսերը կրճատելու ուղղությամբ և միասնական մոտեցում ենք ցուցաբերել բոլոր պետական մարմիններին»,- այս մասին ԱԺ-ում 2025թ. պետբյուջեի նախածի քննարկման ժամանակ նշեց Ֆինանսների նախարար Վահե Հովհաննիսյանը՝ ի պատասխան ՔՊ-ական պատգամավոր Սերգեյ Բագրատյանի հարցի, թե ինչով է պայմանավորված այն, որ 2025թ. ԱԺ-ն 191 միլիոն դրամով պակաս է ֆինանսավորվելու:

«Արդյոք դա՞ է ճիշտ ճանապարհը... Հայտնի պատմության պես չլինի, էլի, որ տերը ավանակին առաջին օրը չի կերակրում, երկրորդ օրը չի կերակրում, մտածում է՝ փաստորեն անվճար կարող է ապրել, սրան կերակրելու իմաստը ո՞րն է, երրորդ օրն ավանակը սատկում է: Այսինքն՝ կառավարման համակարգում չկիրառենք մեթոդներ, որոնք վնասներ կբերեն»,- արձագանքեց պատգամավորը: