Հյուսիսային Կորեան՝ Ուկրաինայից զավթված տարածքներ զորքեր ուղարկելու մասին

Հյուսիսային Կորեայի փոխարտգործնախարար Կիմ Չեն Գյուն ասել է, որ Ռուսաստան զորքեր ուղարկելը «կհամապատասխաներ միջազգային իրավական նորմերին»։ Նրա խոսքով, «կան ուժեր, որոնք ցանկանում են այս քայլը ներկայացնել՝ որպես անօրինական»։

«Կարծում եմ, որ եթե տեղի ունենար այն, ինչի մասին աղմկում են համաշխարհային լրատվամիջոցները, ապա դա կլիներ միջազգային իրավունքին համաձայն»,- ասել է նա։

Կիմ Չեն Գյուն հավելել է, որ «արտաքին գործերի նախարարությունը ներգրավված չէ պաշտպանության գերատեսչության հետ կապված հարցերում և հարկ չի համարում առանձին մեկնաբանել այս տեղեկությունը»։