Ուժգին պայթյուն ու հրդեհ` Գրոզնիում

Գրոզնիի Ախմատովսկի թաղամասում ուժգին պայթյուն է որոտացել։ Ինչպես գրում են ռուսական թելեգրամ-ալիքները, ըստ նախնական տեղեկությունների՝ պայթել է գազալցակայան։

Baza-ի հաղորդմամբ՝ վառելիքի առաջին բաքի պայթյունից հետո երկրորդը բռնկվել է. այն թափվում են՝ հերթական ուժեղ պայթյունից խուսափելու համար։

«Ինտերֆաքս»-ը, վկայակոչելով իր աղբյուրը, հայտնում է, որ նախնական տվյալներով՝ Գրոզնիի Մուհամմեդ Ալի պողոտայում գտնվող գազալցակայանում տեղի ունեցած պայթյունի ժամանակ տուժել է մինչև հինգ մարդ, այդ թվում՝ մեկ երեխա։

Գործակալության զրուցակիցը նշել է, որ նախնական տվյալներով՝ հրդեհի պատճառ կարող էր լինել վառելիքի տարայի կամ վառելիքի բաքի պայթյունը։