«Փաշինյանի համար շատ կարևոր է ցույց տալ, որ չկա միանձնյա անվերապահ ազդեցություն»․ Հակոբ Բադալյան
Քաղաքական մեկնաբան Հակոբ Բադալյանի թելեգրամյան գրառումը․ «ՔՊ վարչության դռնփակ նիստը չի ընտրել արդարադատության նախարար: Ըստ տեղեկության, որ հայտնվել է մամուլում, ոչ մի թեկնածու չի ստացել անհրաժեշտ հավանություն: Նիստը վարել է Նիկոլ Փաշինյանը: Ինչպես ավելի վաղ խոսել եմ արդարադատության նախարարի հրաժարականի առիթով, և ընդհանրապես այս պատմության ծագման առիթով, կասկած չունեմ, որ այն ոչ թե ՔՊ պատգամավորների ինչ որ խմբի նախաձեռնություն է, որին տեղի է տալիս Նիկոլ Փաշինյանը, այլ հենց Փաշինյանի նախաձեռնությունը: Այսինքն, կոճակը սեղմել է Փաշինյանը, իսկ դրանից հետո ով ինչ գործողություն է արել՝ երկրորդական է: Ու նաև, ուշադրության եմ արժանացրել հանգամանքը, որ իրադարձությունների կուլմինացիան բաժին ընկավ այն օրերին, երբ Հայաստանի վարչապետը Նյու Յորքում էր՝ ՄԱԿ ԳԱ առիթով: Նյու Յորքում գտնվող Փաշինյանին ըստ ամենայնի անհրաժեշտ էր ցույց տալ, որ կառավարող մեծամասնության ներսում ինքը չունի միանձնյա և անբեկանելի դիրք և իր առաջ կարող են դնել պայմաններ կամ պահանջներ, որոնք ինքը չի կարող հաշվի չառնել, եթե անգամ արդարադատության նախարարի հետ չունի որևէ խնդիր: Ի դեպ, լայն իմաստով, երբ կառավարող համակարգում չկա աներկբա հորիզոնական մոնոլիտ, դա կարող է լինել օգտակար հանգամանք նաև Հայաստանի արտաքին ճկունության հարցում: Սակայն, ամենից էական հարցը տվյալ պարագայում այն է, որ այդ «ոչ մոնոլիտային» իրողությունը չի կարող ունենալ միայն ձև, այն պետք է ունենա քաղաքական լրջմտություն և բովանդակություն, այլապես շատ բարդ է որևէ մեկին համոզել, որ տեղի ունեցածն ընդամենը թատրոն չէ: Իսկ քաղաքական լրջմտության ռեսուրս, ինչպես նկատել եմ տարբեր առիթներով, այս մեծամասնությունը՝ չունի: Հետևաբար մեղմ ասած բարդ է ասել, թե Հայաստանից դուրս ո՞վ կարող է իրապես հավատալ ՔՊ ներսում կարող է լինել որևէ թև կամ բեվեռ, որը ի վիճակի է պայման թելադրել Նիկոլ Փաշինյանին: Իսկ ցույց տալ, որ չկա միանձնյա անվերապահ ազդեցություն, Նիկոլ Փաշինյանի համար շատ կարևոր է այն «փափուկ ուժի» ճնշման առումով, որի բավականին շոշափելի ծավալի մասին խոսում եմ սկսած դեռևս Երևանի քաղաքապետի ընտրությունից, որ տեղի ունեցավ նախորդ տարի սեպտեմբերին»: Աղբյուրը` Հակոբ Բադալյան |
«Աջ ու ձախ արդեն ասում է, որ նոյեմբերի 20-ից հետո մեծ հարձակում է լինելու»․ Նաիրի Հոխիկյան
611:24Կառավարության նիստը՝ ուղիղ միացմամբ (տեսանյութ)
2011:00«Հասարակությանը պետք է պատրաստել Բաքվում կայանալիք դատերին»․ Վահե Հովհաննիսյան
3110:36«Քննադատում են Սերժ Սարգսյանին ու ՀՀԿ-ին՝ իրականացնելով Բաքվի տիրակալի սրտի ցանկությունը»․ Էդուարդ Շարմազանով
2910:06«Էս «թեկնածուները» Փաշինյանին պետք էին Գրիգոր Միանսյանին «փուռը տալու» համար»․ Սուրեն Սուրենյանց
3110:00ՔՊ-ականների և Քյարամյանի «սերը» փոխադարձ է․ «Հրապարակ»
3509:30