Մահացել է ակադեմիկոս Յուրի Սարգսյանը
ԿԳՄՍ նախարարությունը տեղեկացնում է, որ կյանքից հեռացել է ՀՀ գիտության վաստակավոր գործիչ, ԳԱԱ ակադեմիկոս, Հայաստանի ազգային պոլիտեխնիկական համալսարանի նախկին ռեկտոր, պատվավոր պրոֆեսոր Յուրի Սարգսյանը: Յուրի Սարգսյանն իր անգնահատելի ներդրումն ունի ՀՀ-ում ճարտարագիտական կրթության և գիտական մտքի զարգացման գործում՝ գիտամանկավարժական բազմամյա գործունեություն ծավալելով մեքենաների և մեխանիզմների տեսության, ռոբոտատեխնիկայի և համակարգչային նախագծման ոլորտներում։ Նա բազմաթիվ միջազգայնորեն ճանաչված գիտական աշխատությունների հեղինակ է, բարձրագույն կրթության ու գիտության ոլորտի արդյունավետ կառավարիչ, որն իր գիտական ձեռքբերումների և անձնային բարձր հատկանիշների շնորհիվ վայելում էր թե՛ հայաստանյան, թե՛ միջազգային ճարտարագիտական համայնքների հարգանքը: Գիտության ոլորտում ունեցած նշանակալի ավանդի համար Յուրի Սարգսյանը 2016 թվականին պարգևատրվել է ՀՀ ԿԳՆ Գիտության պետական կոմիտեի ոսկե մեդալով։ ԿԳՄՍ նախարարությունն իր ցավակցությունն է հայտնում Յուրի Սարգսյանի ընտանիքին, հարազատներին, մտերիմներին և գործընկերներին։ Տեղեկացնում ենք, որ ակադեմիկոս Յուրի Սարգսյանի մահվան կապակցությամբ կստեղծվի հանձնաժողով՝ վերջինիս հուղարկավորության կազմակերպման նպատակով։ |
Մահացել է ակադեմիկոս Յուրի Սարգսյանը
125Երեկ, 20:24«Ակնկալվում է մարդկության պատմության ամենամեծ նախագիծը». «Գիտություն և տեխնոլոգիա»
13923.09.2024, 03:12Գևորգ Գրիգորյանը բրոնզե մեդալ է նվաճել առաջին անգամ անցկացված՝ ԱԲ-ի միջազգային օլիմպիադայում (տեսանյութ)
15522.09.2024, 20:18Apple-ը ներկայացրել է նորացված iPhone 16-ի շարքը (լուսանկար)
170310.09.2024, 00:42Մեծ Բրիտանիան, ԱՄՆ-ն ու ԵՄ-ն ստորագրել են արհեստական բանականության վերաբերյալ առաջին համաձայնագիրը
175706.09.2024, 22:24Արեգակի վրա սրտաձև բիծ է հայտնվել
65129.08.2024, 15:12