Տեղի է ունեցել Թրամփ-Հարիս առաջին հեռուստաբանավեճը

Ընտրություններից երկու ամիս առաջ ԱՄՆ-ում տեղի է ունեցել նախագահի թեկնածուներ Դոնալդ Թրամփի և Քամալա Հարիսի առաջին հեռուստաբանավեճը, որը կազմակերպել էր ABC News հեռուստաալիքը։

Առաջին հարցը վերաբերում էր տնտեսությանը: Հարիսն ասել է, որ նախատեսում է կառուցել «հնարավորությունների տնտեսություն»: Թրամփը նշել է, որ դեմոկրատները չորս տարում ոչնչացրել են երկրի տնտեսությունը:

Թեկնածուներն անդրադարձել են նաև ռուս-ուկրաինական հակամարտությանը: Թրամփը դարձյալ խոստացել է դադարեցնել Ուկրաինայում հակամարտությունը նույնիսկ ԱՄՆ նախագահի պաշտոնը ստանձնելուց առաջ:

Ամերիկյան ԶԼՄ-ներն ու վերլուծաբանները չեն շտապում ընտրել բանավեճի հաղթողին;