«Ուկրաինան կդադարեցնի ռուսական նավթի և գազի տարանցումը հունվարի 1-ից»․ Պոդոլյակ

Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը "Новини Live -ին տված հարցազրույցում հայտնել է, որ 2025թ. հունվարի 1-ից Կիևը կդադարեցնի ռուսական գազի և նավթի տարանցումը Եվրոպա, բայց պատրաստ է կատարել դա այլ երկրներից։

«Այո, դա կարող է լինել այլ տարանցիկ գազ, որը կգնա, օրինակ, միջերկրածովյան երկրներ։ Այսօր Եվրոպան դիվերսիֆիկացրել է Ռուսաստանից նավթի և գազի մատակարարումները։ 2025թ. հունվարի 1-ից աշխատանքը դադարեցնելու է նաև «Դրուժբա» նավթատարը»,-հայտնել է Պոդոլյակը։

Նրա խոսքով՝ եթե եվրոպական երկրներից մեկը հարկ համարի գազ ստանալ Ղազախստանից կամ Ադրբեջանից, ապա Ուկրաինան պատրաստ է տարանցել այն։