«Ո՞րն է հոսանքազրկումների պատճառը»․ լրագրողը՝ ՀԿԾՀ նախագահին

«Հոսանքազրկումները կարգավորված են համապատասխան կանոններով։ Կոնկրետ Արաբկիրում և Կենտրոնում այս երկու ամիսների ընթացքում հոսանքի անջատումները պայմանավորված են «Երևան ՀԷԿ»-ում տեղի ունեցած հերդեհի հետևանքներով»,-այսօր լրագրողների հետ զրույցում ասաց ՀԿԾՀ նախագահ Գարեգին Բաղրամյանը։ Նա նշեց, որ ՀԷՑ-ը չի հասցրել վերացնել «Երևանի ՀԷԿ»-ում տեղի ունեցած հրդեհի հետևանքները, քանի որ Լարսում արգելափակված են եղել անհրաժեշտ սարքավորումներով բեռնատարները

«Բեռնատարներն արդեն Հայաստանում են, և աշխատանքներն ակտիվորեն ընթանում են այդ ուղղությամբ»,-ասաց Բաղրամյանը՝ վստահեցնելով, որ շուտով կավարտվի հրդեհի հետևանքների վերացումը։