Նախարարությունից արձագանքել են «կեղծ» կոնյակի մասին լուրերին

ՀՀ Էկոնոմիկայի նախարարությունից 24 նյուզ-ի հետ զրույցում, արձագանքելով ՌԴ-ից այն հայտարարությանը, թե ռուսական խանութներում վաճառվող հայկական կոնյակների գրեթե 90%-ն անվտանգ չեն, հայտնել են, որ պաշտոնական ծանուցում չեն ստացել։

Ավելի վաղ հայտնել էինք, որ «Անտիկոնտրաֆակտ» ասոցիացիայի և Ռուսաստանի կոնյակ, սպիրտ և ալկոհոլային խմիչք արտադրողների միության համատեղ հետազոտության մեջ նշվել է, որ ՀՀ-ից ներկրվող կոնյակի մոտ կեսը պարունակում է ոչ խաղողի սպիրտ, ինչը հակասում է կոնյակի չափանիշներին, և միայն 23 նմուշ է լիովին համապատասխանել նորմերին և ՌԴ օրենսդրությանը: