«Գազայում հրադադարի շուրջ բանակցություններում առաջընթաց չկա»․ ՀԱՄԱՍ

Գազայի հատվածում հրադադարի և պատանդների ազատ արձակման շուրջ բանակցությունները, որոնք տեղի էին ունենում Կատարում, հաջողություն չեն ունեցել։ Այս մասին Sky News-ին տված հարցազրույցում ասել է Լիբանանում ՀԱՄԱՍ շարժման ներկայացուցիչ Ահմեդ Աբդել Հադին։ Նրա խոսքով, բանակցությունների արդյունքների վերաբերյալ ԱՄՆ նախագահ Ջո Բայդենի լավատեսական մոտեցումը չի համապատասխանում իրական վիճակին։ «Բայդենի վարչակազմը փորձում է ցույց տալ, որ իրավիճակը բարենպաստ է, սակայն առաջին փուլը ցույց տվեց, որ բարելավում չկա»,- ասել է նա։

«Միջնորդները մեզ ասացին, որ վիճելի հարցերը չեն լուծվել, ու Նեթանյահուն առաջ է քաշել լրացուցիչ պայմաններ՝ է՛լ ավելի բարդացնելով իրավճակը»,- նշել է ՀԱՄԱՍ-ի ներկայացուցիչը, փոխանցում է ТАСС-ը։