«Ընդդիմադիր դաշտում ականներ կան»․ Մարգարիտ Եսայան

«Ընդդիմադիր դաշտում ականներ կան։ Մարդիկ, որոնց կենսագրությունն ակնհայտ է, բոլորիս աչքի առաջ է, կրկնեմ Գալուստ Սահակյանի միտքը, ասում էր՝ մենք իրենց մերկությունը տեսել ենք, չենք գայթակղվել»,- 168TV-ի եթերում հայտարարել է ՀՀԿ ԳՄ անդամ Մարգարիտ Եսայանը: «Մենք իրենց տեսել ենք, երբ կոնկրետ օլիգարխներից գումար էին ստանում և իրենց կայքերում, թերթերում վարկաբեկում այդ ժամանակվա՝ Հանրապետականի իշխանությանը։ Այսօր դրանք ընդդիմադիրի դիմակ են հագել, իբր թե ընդդիմադիր գործիչներ են, բայց խաղեր են տալիս։ Եթե դու իսկապես, անկեղծորեն ընդդիմադիր ես ու քթածակ ունես, քաղաքականությունից մի քիչ հասկանում ես, պիտի հասկանաս, որ այսօր ՀՀԿ-ն և էլի մեկ, երկու կուսակցություն են, որ ազնվորեն ուզում են Նիկոլի հեռացումը։ Ուրեմն կանգնի՛ր իրենց կողքին, մի՛ խանգարիր, քար մի՛ նետիր։ Իսկ եթե դու քար ես նետում, ես լեգիտիմ իրավունք ունեմ մտածելու, որ դու Նիկոլի հետ համագործակցում ես՝ գիտակցաբար, թե անգիտակից, համագործակցում ես»,- պատգամավորը: