«Հետաքրքիր է՝ նախարարին անհանգստացնո՞ւմ է այս պատկերը». Բաբկեն Պիպոյան

«Իրազեկ և պաշտպանված սպառող» ՀԿ նախագահ Բաբկեն Պիպոյանը ֆեյսբուքյան իր էջում գրել է․ «Քովիդ էր. իրավիճակը՝ լարված: Հանրությունը քննարկում էր, որ համաճարակի կառավարման հետ խնդիրներ ունենք: Այդ ժամանակ նախարար աշխատող Արսեն Թորոսյանն ասում էր. «նոր համաճարակ է՝ բոլորին անծանոթ: Կարմրուկ լիներ կամ այլ՝ բոլորին հայտնի վիրուս, արագ կկարգավորվեր»:
Եվ ահա, տարիներ անց, պարզվում է, որ կարմրուկն էլ պատշաճ չի կառավարվում:
2023-ի մարտից ամբողջ տարվա ընթացքում արձանագրվեց 545 դեպք:
Եվ ահա պարզվում է, որ դեպքերը չեն նվազում և միայն հունվարից մինչև այսօր արդեն արձանագրվել է 543 դեպք: Հետաքրքիր է՝ նոր նախարարին անհանգստացնո՞ւմ է այս պատկերը:
Պակաս հետաքրքիր չէր լինի նաև իմանալ՝ կարմրուկն էլ նոր նախարարի համա՞ր է նոր հիվանդություն: Եթե այո, հին նախարարը նորին կարող է ծանոթացնել: Ասում էր՝ ինքը ծանոթ է:
Հ.Գ. Չհասկանալը մի այիբ է, չհասկանալը, որ չես հասկանում՝ մի քանի, ու արդեն՝ վտանգավոր...»: