Զանգվածային IT-խափանումն ազդել է նաև բանկերի և ԶԼՄ-ների աշխատանքի վրա

Տարբեր երկրների ավիափոխադրողներ, հեռուստառադիոհեռարձակող ընկերություններ, բանկեր հայտնել են Windows համակարգում գործող սարքերի խափանման պատճառով աշխատանքում խնդիրների մասին, հայտնում են BBC News-ն և The Guardian-ը։

IT-խափանումների մասին հայտնում են, մասնավորապես, ԱՄՆ-ում, Մեծ Բրիտանիայում, Հնդկաստանում, Նոր Զելանդիայում, Ավստրալիայում։

Ամենից շատ տուժել է Ավստրալիան. օդանավակայաններում տասնյակ չվերթներ են չեղարկվել, իսկ սուպերմարկետներում քաոս է։ Մեծ Բրիտանիայում զանգվածաբար խափանվել է երկաթուղային ընկերությունների աշխատանքը, այդ թվում՝ Southern-ը, Thameslink-ը, Gatwick Express-ը և Great Northern-ը։

Բրիտանական Sky News հեռուստաալիքը անջատել է եթերը տեխնիկական անսարքությունների պատճառով։ Ավելի վաղ ընկերությունը հայտարարել է, որ չի կարողացել առավոտյան եթերը հեռարձակել։