«Նախատեսվում է զարգացնել տրանսպորտային միջանցքները»․ Պուտին

Հուսալի ճանապարհները Ռուսաստանի տնտեսության աճի առանցքային պայմաններից են։ Այս մասին հայտարարել է ՌԴ նախագահ Վլադիմիր Պուտինը՝ Մ-11 «Նևա» մայրուղու 155-րդ կմ-ին՝ Տվերի Հյուսիսային շրջանցման բացման արարողության ժամանակ։

«Տրանսպորտը, լոգիստիկան միշտ էլ հիմք են, հիմք՝ տնտեսական ակտիվության, հետևաբար, նաև կյանքի որակի բարձրացման համար»,- ասել է Պուտինը։

Նա նշել է, որ նախատեսվում է «Ռոսիա» և «Հյուսիս-Հարավ» տրանսպորտային միջանցքների զարգացում, ճանապարհային ցանցի զարգացում բոլոր քաղաքներում և գյուղական վայրերում։

«Բացելով ճանապարհային նոր հատվածներ՝ ՌԴ-ն ևս մեկ քայլ է կատարում լոգիստիկայի և տրանսպորտային նոր միջանցքների ամրապնդման ուղղությամբ»,- հավելել է Պուտինը։